19 жніўня, Магілёў /Вольга Емяльянава - БЕЛТА/. VII Міжнародны інвестфорум "Магілёўская вобласць - шлях да поспеху" пройдзе ў Магілёве 5-7 лістапада, паведамілі карэспандэнту БЕЛТА ў адміністрацыі СЭЗ "Магілёў".
У ходзе мерапрыемства будуць прадстаўлены інвестыцыйныя перавагі, умовы вядзення бізнесу ў свабоднай эканамічнай зоне "Магілёў", перспектыўныя інвестпраекты і прапануемыя для іх рэалізацыі пляцоўкі. Таксама запланавана выстаўка-прэзентацыя прадукцыі прадпрыемстваў-рэзідэнтаў СЭЗ, прадпрыемстваў горада Магілёва і Магілёўскай вобласці.
Чакаецца, што ў рабоце форуму прымуць удзел дэлегацыі дзелавых колаў Аўстрыі, Літвы, Турцыі, Кітая і Амерыкі, прадстаўнікі банкаў, дзяржаўных і недзяржаўных арганізацый, уласнікі і топ-менеджары буйных беларускіх і замежных кампаній.
Пн | Аўт | Сер | Чцв | Пт | Сб | Нядз |
---|