Бізнес-навіны

"У наступным годзе асноўны ўпор у Мінску плануецца зрабіць менавіта на экспартныя пастаўкі. Калі гаварыць аб сённяшняй сітуацыі, то за студзень-верасень бягучага года ў сталіцы забяспечаны прырост па экспарце тавараў і паслуг на 4,9 працэнта ў параўнанні з аналагічным перыядам мінулага года. Прадукцыя была экспартавана ў 194 краіны свету. Асноўнымі рынкамі збыту айчыннай прадукцыі традыцыйна застаюцца Расія, Украіна. Хуткарастучымі рынкамі экспарту становяцца Туркменістан, Польшча і Літва. Значна павялічыліся ў бягучым годзе экспартныя пастаўкі Мінска ў Нідэрланды, Лаос, Кувейт, Бразілію, Грэцыю, Нарвегію, Іарданію і Нігерыю", - сказаў Антон Краеўскі.

Гаворачы аб падтрымцы малога і сярэдняга бізнесу, старшыня камітэта эканомікі падкрэсліў, што для развіцця гэтага віду дзейнасці ў сталіцы ёсць шмат магчымасцей. Так, у горадзе сфарміраваны інавацыйны фонд. Ён штогод выдзяляе амаль Br700 млрд. Гэтыя сродкі перш за ўсё накіроўваюцца на падтрымку і развіццё высокатэхналагічных вытворчасцей і прадпрыемстваў горада, якія праяўляюць інавацыйную актыўнасць. У бягучым годзе са сродкаў фонду прафінансавана 22 праекты прадпрыемстваў розных форм уласнасці.

З інавацыйнага фонду фінансуецца і развіццё Мінскага гарадскога тэхнапарка, які працуе ў горадзе больш як два гады. На гэты момант у тэхнапарку праходзіць рэканструкцыя плошчаў. У 2015 годзе будзе здадзены ў эксплуатацыю асноўны корпус адміністрацыйна-бытавога комплексу, пачнуць будаўніцтва вытворчага корпуса для новых рэзідэнтаў. Цяпер сваю дзейнасць у тэхнапарку ажыццяўляюць 30 рэзідэнтаў, на разглядзе знаходзяцца амаль 10 заявак. Тут створана больш як 220 рабочых месц.