Бізнес-навіны

Санкт-Пецярбург традыцыйна выступае надзейным партнёрам Беларусі ў сферы сельгасперапрацоўкі, сказаў Міхаіл Мясніковіч. У час сустрэчы сам-насам беларускі прэм'ер і губернатар Санкт-Пецярбурга Георгій Палтаўчанка гаварылі аб тым, каб павялічыць колькасць праектаў з канкрэтнымі інвестарамі ў сельгасперапрацоўцы.

Міхаіл Мясніковіч падкрэсліў, што Беларусь "запрашае інвестараў прыйсці і працаваць як з чыстага ліста, так і ўдзельнічаць у прыватызацыі дзеючых вытворчасцей". Акрамя таго, на двухбаковай сустрэчы Міхаіл Мясніковіч і Георгій Палтаўчанка канстатавалі, што паміж Беларуссю і Санкт-Пецярбургам склаліся вельмі добрыя адносіны. Цяперашні візіт дэлегацыі стане яшчэ адной прыступкай для таго, каб паглыбляць супрацоўніцтва, рабіць яго больш маштабным. "Ведаю, што адбыліся вельмі цікавыя перагаворы ў нашага Прэзідэнта. Безумоўна, урад будзе рабіць усё для таго, каб гэтыя дамоўленасці былі выкананы", - сказаў Міхаіл Мясніковіч.

Як чакаецца, на сённяшнім пасяджэнні Савета дзелавога супрацоўніцтва будуць падпісаны наменклатура і аб'ём паставак беларускіх прадуктаў харчавання на 2015 год, а таксама пагадненні ў заканадаўчай, гандлёва-эканамічнай, навукова-тэхнічнай, інфармацыйнай і гуманітарнай галінах.