2 снежня, Мінск /Кар. БЕЛТА/. Літва будзе садзейнічаць Беларусі і Калінінградскай вобласці ў вырашэнні транспартна-лагістычных пытанняў. Аб гэтым сёння паведаміў прэм'ер-міністр Беларусі Міхаіл Мясніковіч на сустрэчы з губернатарам Калінінградскай вобласці Мікалаем Цуканавым, перадае карэспандэнт БЕЛТА.
Дамоўленасці ў гэтай сферы дасягнуты прэм'ер-міністрамі Беларусі і Літвы. "Літва будзе аказваць садзейнічанне ў транспартна-лагістычных пытаннях, гандлёвай сферы ў цэлым", - адзначыў Міхаіл Мясніковіч.
Прэм'ер-міністр нагадаў аб плённых перагаворах, якія ўжо адбыліся ў час візіту ў Беларусь дэлегацыі Калінінградскай вобласці. Важныя дамоўленасці дасягнуты на сустрэчы губернатара з Прэзідэнтам Беларусі, і беларускі ўрад гарантуе, што створыць усе ўмовы для іх рэалізацыі.
Беларускі бок прапанаваў шэраг сумесных праектаў у сельскай гаспадарцы, у будаўніцтве, транспартнай інфраструктуры.
Міхаіл Мясніковіч і Мікалай Цуканаў сышліся на думцы, што гандлёва-эканамічныя, інвестыцыйныя, культурныя, гуманітарныя кантакты паміж Беларуссю і Калінінградскай вобласцю развіваюцца даволі паспяхова, і выказалі гатоўнасць прадаўжаць работу ў гэтым напрамку.
Перспектыўным бачыцца супрацоўніцтва на ўзроўні рэгіёнаў. Так, сёння ва ўрадзе быў падпісаны план мерапрыемстваў на 2015-2017 гады па рэалізацыі пагаднення аб супрацоўніцтве паміж Гомельскім аблвыканкамам і ўрадам Калінінградскай вобласці.
Пн | Аўт | Сер | Чцв | Пт | Сб | Нядз |
---|