20 лістапада, Мінск /Кар. БЕЛТА/. Кітайская карпарацыя "Сінамач" у лістападзе ўвойдзе ў склад акцыянераў Кітайска-Беларускага індустрыяльнага парка Great stone. Аб гэтым паведамілі БЕЛТА ў прэс-службе беларускага ўрада па выніках сустрэчы намесніка прэм'ер-міністра Беларусі Анатоля Тозіка з кіраўніцтвам кітайскай карпарацыі інжынірынгу САМС.
У прэс-службе працытавалі старшыню праўлення ААТ "Кітайская карпарацыя інжынірынгу САМС" (КНР) Ло Янь: "Акцыянеры і з беларускага, і з кітайскага боку прынялі аднагалоснае рашэнне, што ў лістападзе 2014 года ў склад акцыянераў увойдзе вялікая кітайская карпарацыя "Сінамач", а статутны фонд сумеснай кампаніі будзе значна павялічаны".
Удзельнікі сустрэчы абмеркавалі і іншыя пытанні, звязаныя з будаўніцтвам Кітайска-Беларускага індустрыяльнага парка Great stone.
"Мы пераходзім да практычных работ на тэрыторыі парка, сказала Ло Янь. - Завяршаецца экспертыза праектаў па сетках, камунікацыях і распрацоўка будаўнічых праектаў па інфраструктурных збудаваннях. Адначасова пачалі падрыхтоўчыя работы непасрэдна на пляцоўцы пад будаўніцтва. Усё сведчыць аб тым, што праект пачаў інтэнсіўна развівацца. Мы пастаянна звяртаем увагу да яго з боку ўрада Беларусі, Дзяржсавета КНР, лідараў абедзвюх дзяржаў".
Са свайго боку Анатоль Тозік адзначыў, што працэс стварэння індустрыяльнага парка пайшоў хутчэй і эфектыўней. "Тое, што кітайскі бок ініцыіраваў павелічэнне статутнага фонду сумеснай кампаніі, і буйнейшая карпарацыя Кітая пералічыць свой уклад да канца лістапада, мы разглядаем як сведчанне сур'ёзнай увагі і намераў Кітая да праекта. Мы адчулі, што працэс стварэння індустрыяльнага парка пайшоў хутчэй і эфектыўней", - заявіў віцэ-прэм'ер.
Пн | Аўт | Сер | Чцв | Пт | Сб | Нядз |
---|