У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

26 Врс 2014

Кітай выдзеліць Беларусі крэдыты на суму да $1 млрд на рэалізацыю інвестпраектаў

26 верасня, Мінск /Кар. БЕЛТА/. Міністэрства фінансаў Беларусі і Дзяржаўны банк развіцця Кітая падпісалі сёння мемарандум аб узаемаразуменні, у якім зафіксавана дамоўленасць бакоў аб адкрыцці кітайскім банкам дзвюх доўгатэрміновых крэдытных ліній на агульную суму да $1 млрд, перадае карэспандэнт БЕЛТА.

Подпісы пад дакументам паставілі першы намеснік міністра фінансаў Беларусі Уладзімір Амарын і намеснік старшыні Дзяржаўнага банка развіцця Кітая Лі Джыпінг. Таксама было падпісана рамачнае пагадненне паміж Банкам развіцця Беларусі і Дзяржаўным банкам развіцця Кітая. З беларускага боку подпіс пад дакументам паставіў намеснік старшыні праўлення Банка развіцця Уладзімір Драгун, з кітайскага - намеснік старшыні Дзяржаўнага банка развіцця Лі Джыпінг.

Згодна з дакументамі, крэдытныя лініі будуць адкрыты тэрмінам на 15 гадоў, уключаючы пяцігадовы льготны перыяд, пад гарантыю беларускага ўрада. Заёмшчыкамі выступяць лідары банкаўскай крэдытна-фінансавай сістэмы Беларусі - ААТ "Банк развіцця Рэспублікі Беларусь" і ААТ "ААБ Беларусбанк".

Дакументы вызначаюць базавыя прынцыпы супрацоўніцтва фінансавых інстытутаў і органаў дзяржаўнага кіравання ў галіне крэдытавання сумесных беларуска-кітайскіх праектаў, што рэалізуюцца на тэрыторыі Беларусі, а таксама ў сферы інфармацыйнага ўзаемадзеяння паміж краінамі. Сродкі крэдытных ліній плануецца накіраваць на рэалізацыю інвестыцыйных праектаў на тэрыторыі рэспублікі ў сферы транспарту, энергетыкі, прамысловасці, малога і сярэдняга бізнесу.

Чакаецца, што паспяховы запуск крэдытных ліній выведзе крэдытна-інвестыцыйнае супрацоўніцтва Беларусі і Кітая на якасна новы ўзровень. "Мы спадзяёмся, што заключаныя дагаворы дадуць магчымасць рэалізаваць самыя смелыя і амбіцыйныя праекты нашых кліентаў як з кітайскага, так і з беларускага боку", - адзначыў Уладзімір Драгун.

Дзяржаўны банк развіцця Кітая выконвае функцыі інстытута развіцця ў Кітайскай Народнай Рэспубліцы, прадастаўляючы сярэдне- і доўгатэрміновае фінансаванне такім прыярытэтным галінам, як тэлекамунікацыі, транспарт, сельская гаспадарка, вугальная прамысловасць. Банк уключаны ў рэалізацыю буйнейшых інфраструктурных праектаў не толькі ў Кітаі, але і за яго межамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску