У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

3 Крс 2013

IX Беларуска-літоўскі эканамічны форум дапаможа далейшай эканамічнай інтэграцыі дзвюх краін

3 красавіка, Вільнюс /Алена Юркявічэне - БЕЛТА/. IX Міжнародны беларуска-літоўскі эканамічны форум, які адбудзецца ў Клайпедзе 18-19 красавіка, дапаможа замацаваць дасягнутыя паміж дзвюма краінамі вынікі ў гандлёва-эканамічным, навукова-тэхнічным і гуманітарным супрацоўніцтве, а таксама будзе садзейнічаць далейшай эканамічнай інтэграцыі Беларусі і Літвы, паведамілі карэспандэнту БЕЛТА ў пасольстве Беларусі ў Літве.

Плануецца, што мерапрыемства ўрачыста адкрыюць прэм'ер-міністр Беларусі Міхаіл Мясніковіч і прэм'ер-міністр Літвы Альгірдас Буткявічус.

Тэма форуму - гандлёва-эканамічнае, інвестыцыйнае, гуманітарнае супрацоўніцтва Беларусі з Літвой, уключаючы ўзаемадзеянне ў галіне транспарту і лагістыкі, энергетыкі, прамысловасці і сельскай гаспадаркі, экалагічнай сферы.

Як спадзяюцца арганізатары форуму, ён таксама дасць магчымасць наглядна прадэманстраваць экспартны патэнцыял вядучых прадпрыемстваў-таваравытворцаў Беларусі, умацуе імідж беларускіх прадпрыемстваў на замежных рынках, пасадзейнічае пошуку новых эканамічных партнёраў і абмену станоўчым вопытам вядзення бізнесу з літоўскім бокам.

З беларускага боку арганізатарамі форуму выступаюць Міністэрства эканомікі, МЗС, профільныя рэспубліканскія органы дзяржаўнага кіравання, абласныя выканаўчыя камітэты і Мінскі гарадскі выканаўчы камітэт, Нацыянальнае агенцтва інвестыцый і прыватызацыі, Беларуская гандлёва-прамысловая палата, Канфедэрацыя прамыслоўцаў і прадпрымальнікаў (наймальнікаў).

З літоўскага боку ў арганізацыі форуму прымаюць удзел Канфедэрацыя прамыслоўцаў Літвы, Літоўскі дзелавы савет па эканамічнаму і гандлёваму супрацоўніцтву з Беларуссю, галіновыя асацыяцыі прадпрымальнікаў. Таксама актыўны ўдзел у падрыхтоўцы да мерапрыемства прымае сакратарыят партнёрства Паўночнага вымярэння па транспарту і лагістыцы.

Сярод тэм чатырох секцыйных пасяджэнняў - супрацоўніцтва ў сферы транспарту і лагістыкі, у сферы прамысловасці, сельскай гаспадаркі і энергетыкі, інвестыцыйнае супрацоўніцтва, узаемадзеянне ў сферы інавацый і інфармацыйна-камунікацыйных тэхналогій, а таксама трансгранічнае супрацоўніцтва, узаемадзеянне па экалагічных і прыродаахоўных праектах, супрацоўніцтва ў сферы турызму і аховы здароўя.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску