Бізнес-навіны

16 мая, Мінск /Кар. БЕЛТА/. "Гомсельмаш" мае намер нарасціць пастаўкі тэхнікі ў Бразілію. Гэта пытанне абмяркоўвалася на перагаворах у час сельскагаспадарчай выстаўкі "АграБразілія-2013", паведамілі БЕЛТА ў прэс-службе МЗС Беларусі.

Выстаўка праходзіць у федэральнай акрузе Бразілія з 14 па 18 мая.

У час выстаўкі адбыліся сустрэчы пасла Беларусі ў Бразіліі Леаніда Крупца з міністрам сельскай гаспадаркі Бразіліі Антоніа Андрадэ і губернатарам федэральнай акругі Бразілія Агнела Кейрош, у ходзе якіх абмеркаваны пытанні двухбаковага супрацоўніцтва ў галіне сельскай гаспадаркі.