Бізнес-навіны
Гарадское інвестыцыйнае агенцтва з'явіцца ў Мінску
29 мая, Мінск /Надзея Радзівон - БЕЛТА/.
Гарадское інвестыцыйнае агенцтва з'явіцца ў Мінску. Аб гэтым паведаміла сёння журналістам намеснік старшыні Мінгарвыканкама Жанна Бірыч, перадае карэспандэнт БЕЛТА.У новую структуру будзе рэфармаваны інжынірынгавы цэнтр. На яго ўскладуць дадатковыя функцыі па суправаджэнню інвестыцыйных праектаў у плане праектавання, будаўніцтва, збору даных. Рэарганізацыя праводзіцца адпаведна з аптымізацыяй дзяржапарату.
Паводле слоў Жанны Бірыч, інвестыцыйнае агенцтва - наступны крок у справе ўдасканалення работы з інвестарамі. Створаны ў мінулым годзе кансультатыўны савет па інвестыцыях добра зарэкамендаваў сябе, выключаны прамы кантакт з чыноўнікамі, але выявіў і неабходнасць больш эфектыўнага супрацоўніцтва ўжо на наступных стадыях інвестыцыйнай дзейнасці.
У горадзе рэалізуецца па дэкрэту нумар 10 каля 170 праектаў, прыкладна столькі ж заключана дагавораў на праектаванне і будаўніцтва. Яны патрабуюць больш дэталёвай прапрацоўкі і суправаджэння, каб выконваліся тэрміны будаўніцтва.
Мінск у гэтым годзе дабіўся значных рэзультатаў па прыцягненню прамых замежных інвестыцый. Пры прагнозе на год
$950 млн. ПІ на чыстай аснове за 4 месяцы ў эканоміку паступіла $850 млн., што сведчыць аб высокай інвестыцыйнай прывабнасці сталіцы.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
