15 лютага, Мінск /Аліна Грышкевіч - БЕЛТА/. Французскае страхаванне Coface стала даступным для Рэспублікі Беларусь. Францыя ўключыла Беларусь у групу краін, якім прадастаўляецца сярэднетэрміновае экспартнае страхаванне ў агульным лімітам у памеры 500 млн. еўра на 2010 год, паведамілі карэспандэнту БЕЛТА ў французскім пасольстве ў Мінску.
"Гэта рашэнне было прынята французскімі ўладамі па выніках візіту першага віцэ-прэм'ера Беларусі Уладзіміра Сямашкі ў Парыж у студзені 2010 года. Магчымасць адкрыцця страхавання экспартных крэдытаў абмяркоўвалася беларускай дэлегацыяй на шматлікіх сустрэчах з французскім бокам, - падкрэслілі ў пасольстве. - Францыя аператыўна вывучыла пазіцыю беларускіх улад і вынесла станоўчае рашэнне па гэтым пытанні".
У дыпламатычнай місіі адзначылі, што колькасць французскіх прадпрыемстваў, зацікаўленых інвесціраваць у Беларусь, павялічваецца, і Францыя жадае іх падтрымаць у гэтым напрамку.
Французскія ўлады таксама станоўча ацэньваюць імкненне Беларусі прадпрымаць неабходныя намаганні для паляпшэння двухбаковага супрацоўніцтва, а таксама супрацоўніцтва ў цэлым з іншымі краінамі ЕС.-0-
Пн | Аўт | Сер | Чцв | Пт | Сб | Нядз |
---|