Бізнес-навіны

12 верасня, Мінск /Юлія Дылянок - БЕЛТА/. Група экспертаў Міжнароднага агенцтва па атамнай энергіі (МАГАТЭ) наведае РУП "Беларуская атамная электрастанцыя" з 14 па 16 кастрычніка, паведамілі БЕЛТА на БелАЭС.

"Супрацоўнікі агенцтва азнаёмяцца з ходам будаўніцтва Беларускай АЭС, а таксама правядуць семінар са спецыялістамі прадпрыемства па пытаннях уводу электрастанцыі ў эксплуатацыю і ролі ў гэтым працэсе эксплуатуючай арганізацыі", - адзначылі на прадпрыемстве. Функцыі заказчыка па будаўніцтве і аператара (эксплуатуючай арганізацыі) Беларускай АЭС выконвае РУП "Беларуская атамная электрастанцыя".

Мерапрыемства адбудзецца па праекце міжнароднай тэхнічнай дапамогі МАГАТЭ "Падтрымка развіцця чалавечых рэсурсаў і інфраструктура для ядзернай энергетычнай праграмы" на 2014-2015 гады.

Беларуская АЭС будзе складацца з двух энергаблокаў сумарнай магутнасцю да 2400 (2х1200) МВт. Для яе будаўніцтва выбраны праект "АЭС-2006", які поўнасцю адпавядае міжнародным нормам і рэкамендацыям МАГАТЭ. Генеральным праекціроўшчыкам і генеральным падрадчыкам з'яўляецца аб'яднаная расійская кампанія ААТ "НІАЭП" - ЗАТ "АБЭ".