6 снежня, Мінск /Кар. БЕЛТА/. Дзесяць кантрактаў на суму $275 млн. заключана па выніках візіту прэм'ер-міністра Беларусі ў В'етнам і М'янму. Аб гэтым сёння Прэзідэнту Беларусі Аляксандру Лукашэнку далажыў прэм'ер-міністр краіны Міхаіл Мясніковіч, паведамілі БЕЛТА ў прэс-службе кіраўніка дзяржавы.
Прэзідэнт праінфармаваны аб дасягнутых дамоўленасцях у час візіту прэм'ер-міністра ў М'янму і В'етнам і перагаворах з Казахстанам і Туркменістанам. Было падпісана 15 пагадненняў міжурадавага, міжведамаснага характару, заключана 10 кантрактаў на суму $275 млн.
Аляксандр Лукашэнка даў даручэнні па механізму рэалізацыі дасягнутых дамоўленасцей, у выніку якіх прадугледжваецца маштабнае ўваходжанне Беларусі на рынак Паўднёва-Усходняй Азіі.
Кіраўнік дзяржавы асабліва акцэнтаваў увагу на тым, што неабходна ствараць сумесныя прадпрыемствы, адпаведную прадстаўніцкую інфраструктуру, каб праз капітал уваходзіць на рынак Паўднёва-Усходняй Азіі, не абмяжоўваючыся разавымі і эпізадычнымі пастаўкамі тавараў.
Пн | Аўт | Сер | Чцв | Пт | Сб | Нядз |
---|