У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Снж 2010

Часопіс The Banker прызнаў Беларусбанк лепшым банкам Беларусі ў 2010 годзе

9 снежня, Мінск /Кар. БЕЛТА/. Вядомы эканамічны часопіс The Banker прызнаў ААТ "ААБ Беларусбанк" лепшым банкам Беларусі ў 2010 годзе. Аб гэтым паведамілі БЕЛТА ў банку.

Тут адзначылі, што атрыманне гэтай узнагароды чарговы раз пацвердзіла прызнанне сусветнай фінансавай супольнасцю дасягненняў ААТ "ААБ Беларусбанк", а таксама выбранай стратэгіі на знешнім і ўнутраным фінансавых рынках.

У 2010 годзе Беларусбанк прызнаваўся ўжо лепшым банкам у Рэспублікцы Беларусь такімі вядомымі міжнароднымі фінансавымі выданнямі, як Euromoney, Global Finance, emeafinance і Business New Europe.

The Banker - вядучы ў свеце штомесячны часопіс аб банкінгу, фінансах і рынках капіталу, чытачамі якога з'яўляюцца больш як 45 000 кіраўнікоў сусветных фінансавых інстытутаў.

Цырымоніі ўзнагароджання лепшых банкаў праводзяцца кожны год. Часопісам адзначаюцца фінансавыя інстытуты з найлепшымі паказчыкамі на рэгіянальным узроўні, а таксама вядучыя банкі больш як у 100 краінах свету.

ААТ "ААБ Беларусбанк" - буйнейшая ўніверсальная фінансава-крэдытная ўстанова краіны, якая прапануе сваім кліентам больш як 100 відаў банкаўскіх паслуг і прадуктаў, у тым ліку па разлікова-касаваму абслугоўванню, крэдытаванню, дэпазітных аперацыях, лізінгу, факторынгу, інкасацыі, міжнародных і міжбанкаўскіх разліках, валютна-абменных канверсоўных аперацыях, аперацыях з банкаўскімі карткамі, кансалтынгавыя і дэпазітарныя паслугі. У структуры банка 6 тэрытарыяльных упраўленняў, 55 філіялаў, 1842 аддзяленні, 81 цэнтр банкаўскіх паслуг.

Па выніках студзеня-чэрвеня 2010 года на долю Беларусбанка прыпадала 44 працэнты актываў беларускіх банкаў.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску