У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Стд 2012

Больш за 30 замежных кампаній гатовы стаць фінансавымі кансультантамі ў прыватызацыі ў Беларусі

27 студзеня, Мінск /Кар. БЕЛТА/. Нацыянальнае агенцтва інвестыцый і прыватызацыі (НАІП) атрымала больш за 30 заявак у ходзе аб'яўленага конкурсу на права аказання паслуг па суправаджэнню працэсу прыватызацыі, паведамілі карэспандэнту БЕЛТА ў агенцтве.

Сярод прэтэндэнтаў - кансалтынгавыя кампаніі і інвестыцыйныя банкі з Вялікабрытаніі, Германіі, Аўстрыі, Індыі, ЗША і іншых краін. Цяпер Нацыянальнае агенцтва інвестыцый і прыватызацыі рэалізуе пілотны праект па прыватызацыі васьмі ААТ: "Белгазбуд", "Мінскі маргарынавы завод", "Аўтамагістраль", "Будаўніча-мантажны трэст нумар 8", "Баранавіцкі камбінат жалезабетонных канструкцый", "Медпласт", "Конфа", "Белсантэхмантаж-2". Для кансалтынгавага суправаджэння праекта НАІП мае намер прыцягнуць міжнародныя фінансавыя арганізацыі з вялікім вопытам паспяховай прыватызацыі.

У задачы фінансавага кансультанта ўваходзіць усебаковая падрыхтоўка прадпрыемства да прыватызацыі, аналіз рынку, афармленне юрыдычных дакументаў па здзелцы, правядзенне таргоў па продажы акцый. Вызначэнне пераможцаў і заключэнне з імі дагавораў адбудзецца ў сакавіку-красавіку бягучага года.

Супрацоўніцтва з вядучымі сусветнымі фінансавымі кансультантамі павысіць прывабнасць рэалізуемай у Беларусі праграмы прыватызацыі, дасць магчымасць правесці продаж прадпрыемстваў у адпаведнасці з самымі высокімі міжнароднымі стандартамі, а таксама станоўча паўплывае на інвестыцыйны імідж і крэдытныя рэйтынгі краіны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску