8 верасня, Гродна /Рычард Салата - БЕЛТА/. З 30 верасня па 2 кастрычніка ў Гродне ў спарткомплексе "Нёман" пройдзе XI шматгаліновая выстаўка-кірмаш "Еўрарэгіён "Нёман-2009". Аб гэтым карэспандэнту БЕЛТА паведамілі ў аддзеле знешнеэканамічных сувязей Гродзенскага абласнога выканаўчага камітэта.
У мерапрыемстве прымуць удзел больш як 100 прамысловых прадпрыемстваў і гандлёвых арганізацый Гродзенскай вобласці, некаторых рэгіёнаў Польшчы, Літвы і Расіі, якія ўваходзяць у склад еўрарэгіёну "Нёман". Выстаўка праводзіцца з мэтай актывізацыі супрацоўніцтва паміж суб'ектамі гаспадарання гэтых краін.
На выстаўцы будуць прадстаўлены ўзоры найноўшай тэхнікі і абсталяванне для сельскагаспадарчай вытворчасці, фермерскіх гаспадарак і харчовай прамысловасці, халадзільнае і гандлёвае, упаковачна-фасовачнае абсталяванне і матэрыялы, спажывецкія тавары, бытавыя прыборы. Адбудзецца распрадажа тавараў народнага спажывання.
Арганізатарам выстаўкі з'яўляецца Нацыянальны выставачны цэнтр "Белэкспа".-0-
Пн | Аўт | Сер | Чцв | Пт | Сб | Нядз |
---|