29 студзеня, Мінск /Таццяна Іванюк - БЕЛТА/. Кіраўніцтва кампаніі Embraer (Бразілія) і нацыянальнай авіякампаніі "Белавія" на нядаўняй сустрэчы ў Мінску разгледзелі планы мадэрнізацыі паветранага парку беларускага авіяперавозчыка за кошт сучасных паветраных суднаў серыі E-Jet бразільскага вытворцы. Аб гэтым БЕЛТА паведамілі ў прэс-службе Міністэрства транспарту і камунікацый Беларусі.
У ходзе праведзеных перагавораў у галаўным офісе нацыянальнай авіякампаніі прэзідэнт кампаніі Embraer Паўла Цэзар дэ Соўз э Сільва абмеркаваў з генеральным дырэктарам "Белавія" Анатолем Гусаравым вынікі эксплуатацыі самалётаў Embraer-175, якія прыбылі ў Беларусь у верасні-кастрычніку мінулага года.
Таксама ў час візіту прадстаўнікі Embraer сустрэліся з выконваючым абавязкі дырэктара дэпартамента па авіяцыі Мінтранса Уладзімірам Косціным. Бакі намецілі перспектывы далейшага супрацоўніцтва рэспублікі з адным з вядучых сусветных вытворцаў грамадзянскіх самалётаў.
Пн | Аўт | Сер | Чцв | Пт | Сб | Нядз |
---|