Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Чэр 2015

"Беларуснафта" плануе пачаць геолагаразведку радовішчаў нафты ў Індыі

4 чэрвеня, Мінск /Юлія Огнева - БЕЛТА/. ДВА "Беларуснафта" і Oil India Ltd. падпісалі мемарандум аб узаемаразуменні па супрацоўніцтве ў галіне геолагаразведкі радовішчаў нафты ў Індыі. Падпісанне дакумента адбылося сёння ў ходзе беларуска-індыйскага бізнес-форуму, перадае карэспандэнт БЕЛТА.

"У галіне нафтахіміі падпісваецца мемарандум аб узаемаразуменні паміж ДВА "Беларуснафта" і кампаніяй Oil India Ltd. не геолагаразведку нафтавых радовішчаў у Індыі", - сказаў журналістам старшыня Беларускай гандлёва-прамысловай палаты Міхаіл Мятлікаў.

Таксама ў рамках бізнес-форуму адбылося падпісанне мемарандума аб узаемаразуменні паміж ААТ "Гомсельмаш" і DVR Infratech Private Limited. Абмяркоўваюцца магчымасці арганізацыі зборачнай вытворчасці беларускай тэхнікі на вытворчых плошчах індыйскага прадпрыемства.

Мемарандум аб узаемаразуменні па супрацоўніцтве ў галіне энергетыкі падпісалі ДВА "Белэнерга" і Bharat Heavy Electricals Limited (BHEL). Таксама падпісана пагадненне аб супрацоўніцтве паміж ААТ "МТЗ" і International Tractors limited.

Раней адбылося падпісанне мемарандума аб супрацоўніцтве ў інвестыцыйнай сферы паміж ААТ "БАТЭ" - кіруючая кампанія холдынга "Аўтакампаненты" і ZF Steering Gear (India) Ltd.

У беларуска-індыйскім бізнес-форуме прынялі ўдзел каля 100 чалавек, у тым ліку больш за 40 прадстаўнікоў дзелавых колаў Індыі. У рамках мерапрыемства была арганізавана ўрачыстая цырымонія адкрыцця памятнага знака, прысвечанага ўзаемадзеянню беларускіх і індыйскіх спецыялістаў па рэканструкцыі Гродзенскай ЦЭЦ-2.

Адбылася таксама прэзентацыя інвестыцыйных магчымасцей Беларусі, механізмаў экспартнага крэдытавання, страхавання і лізінгу пры экспарце беларускай прадукцыі ў Індыю.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс