22 мая, Мінск /Кар. БЕЛТА/.
XVIII Пецярбургскі міжнародны эканамічны форум праходзіць з 22 па 24 мая ў Санкт-Пецярбургу (Расія), паведамілі БЕЛТА ў Міністэрстве эканомікі Беларусі.Беларускую дэлегацыю у складзе прадстаўнікоў Мінэканомікі, Мінфіна, МЗС узначальвае першы намеснік прэм'ер-міністра Уладзімір Сямашка. Эксперты з Беларусі прымуць удзел у пленарным пасяджэнні форуму, асноўная ідэя якога ў 2014 годзе вызначана як "Умацаванне даверу ў эпоху пераўтварэнняў". Таксама праграма візіту прадугледжвае правядзення шэрага двухбаковых сустрэч з членамі расійскага ўрада, кіраўнікамі буйных банкаў, удзел у рабоце секцый форуму.
Як паведаміў першы віцэ-прэм'ер Беларусі Уладзімір Сямашка, 23 мая ён плануе абмеркаваць з віцэ-прэм'ерам Расіі Аркадзем Дварковічам пытанне стварэння холдынга МАЗ-КамАЗ. Паводле слоў Уладзіміра Сямашкі, складана стварыць такую структуру, паколькі Беларусь і Расія маюць разыходжанні ў заканадаўчых базах. Ён таксама паведаміў, што нядаўна па пытанні стварэння расійска-беларускага холдынга збіралася рабочая група, аднак пакуль бакі да згоды не прыйшлі.
Пн | Аўт | Сер | Чцв | Пт | Сб | Нядз |
---|