17 снежня, Мінск /Кар. БЕЛТА/. Беларуска-азербайджанскі бізнес-форум "Перспектывы двухбаковага супрацоўніцтва Беларусі і Азербайджана" пройдзе 19-20 снежня ў Мінску. Аб гэтым паведамілі БЕЛТА ў Беларускай гандлёва-прамысловай палаце.
У ходзе мерапрыемства адбудзецца кантактна-кааперацыйная біржа, дзе прадстаўнікі беларускіх прадпрыемстваў і арганізацый правядуць перагаворы з азербайджанскімі бізнесменамі.
Бізнес-перагаворы плануецца правесці па наступных напрамках: вытворчасць і рэалізацыя кансерваў з агародніны, малочных і мясных прадуктаў, кандытарскіх і хлебабулачных вырабаў, перапрацоўка фруктаў (сухафрукты, сокі, віно), вытворчасць сталі і вырабаў з каляровага металу, абсталявання для нафтагазавай прамысловасці і для вытворчасці кармоў сельскагаспадарчага прызначэння.
Арганізатарамі мерапрыемства выступаюць Міністэрства эканомікі Беларусі, Нацыянальнае агенцтва інвестыцый і прыватызацыі, Беларуская гандлёва-прамысловая палата і Рэспубліканская асацыяцыя прадпрыемстваў прамысловасці "БелАПП".-0-
Пн | Аўт | Сер | Чцв | Пт | Сб | Нядз |
---|