16 красавіка, Мінск /Андрэй Асфура - БЕЛТА/. Беларускі інавацыйны фонд і тэхналагічны парк Варнемюндэ (Германія) заключылі пагадненне аб супрацоўніцтве па праектах у галіне дрэваапрацоўкі і аўтаматызацыі прамысловых працэсаў. Аб гэтым паведаміў карэспандэнту БЕЛТА прэс-сакратар Дзяржаўнага камітэта па навуцы і тэхналогіях Юрый Лукашэвіч.
Плануецца, што Белінфонд з дапамогай тэхнапарку Варнемюндэ ўвойдзе ў еўрапейскую сетку тэхнапаркаў. Тэхналагаічны парк Варнемюндэ - адзін з першых тэхнапаркаў, створаны ва Усходняй Германіі пасля яе аб'яднання. Цяпер ён размяшчаецца на тэрыторыі 1,5 га, мае 9 будынкаў, на якіх размяшчаецца больш як 100 рэзідэнтаў, разгалінаваную структуру прадастаўлення сэрвісных паслуг.
Беларуская дэлегацыя на чале з дырэктарам Белінфонда Аляксандрам Шуміліным наведала Германію з 7 па 11 красавіка 2013 года. Для ўстанаўлення супрацоўніцтва і вызначэння напрамкаў сумеснай работы дэлегацыя наведала інавацыйныя цэнтры і арганізацыі Германіі. На Гановерскім прамысловым кірмашы ў рамках "Тэхналагічнага камерцыйнага дня" прадстаўнікі Белінфонду правялі перагаворы з кіраўніцтвам нямецкага цэнтра Юліха па праблемах трансферу тэхналогій. Гэты цэнтр фарміруе базу даных па 25 навукова-тэхнічных напрамках, распрацаваў спецыяльныя формы апісання праектаў.
Беларусі бок дамовіўся аб уключэнні перспектыўных беларускіх праектаў у базу даных цэнтра Юліха ў мэтах пошуку патэнцыяльных партнёраў і інвестараў для рэалізацыі праектаў. У Берліне беларуская дэлегацыя сустрэлася з кіраўніцтвам буйнейшага тэхнапарку Адлерсхоў, а таксама наведала інавацыйны цэнтр тэхналагічнага ўніверсітэта. На сустрэчы з асацыяцыяй нямецкіх спецыялістаў-экспертаў навуковых паркаў абмяркоўваліся формы супрацоўніцтва і рэалізацыі праектаў стварэння суб'ектаў інфраструктуры.
Прадстаўнікі інавацыйных структур ФРГ зацікаўлены ў наладжванні супрацоўніцтва з аналагічнымі структурамі ў Беларусі. Такое супрацоўніцтва, як лічаць у Белінфондзе, мэтазгодна змяшчаць у бок рэалізацыі канкрэтных праектаў і стварэння сумесных вытворчасцей.
Пн | Аўт | Сер | Чцв | Пт | Сб | Нядз |
---|