У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

25 Стд 2012

Беларускі бізнес плануюць прыцягнуць да ўдзелу ў міжнародных інавацыйных праграмах

24 студзеня, Мінск /Вольга Бяляўская - БЕЛТА/. Беларускі бізнес плануецца прыцягваць да ўдзелу ў рэалізацыі міждзяржаўных інавацыйных праграм. Аб гэтым паведаміў у інтэрв'ю карэспандэнту БЕЛТА старшыня Дзяржаўнага камітэта па навуцы і тэхналогіях Беларусі Ігар Войтаў.

"Прапрацоўваецца пытанне больш актыўнага ўдзелу прыватнага бізнесу ў рэалізацыі міждзяржаўных інавацыйных праграм: Саюзнай дзяржавы, ЕўрАзЭС, СНД, сумесных праграм з Украінай і іншымі краінамі, - адзначыў кіраўнік ДКНТ. - Размова ідзе аб міждзяржаўных праграмах па стварэнню абсталявання для нафтагазавых кампаній, скораснага гарадскога і прыгараднага электратранспарту, дарожнай, будаўнічай, камунальнай, снегаўборачнай тэхнікі і іншых". Прапановы па гэтых праграмах ужо абмеркаваны з кіраўніцтвам Пастаяннага камітэта Саюзнай дзяржавы, ЕўрАзЭС, Міністэрства адукацыі і навукі Расіі, Дзяржаўнага агенцтва па пытаннях навукі, інавацыях і інфарматызацыі Украіны, кіраўнікамі айчынных прадпрыемстваў.

Паводле слоў Ігара Войтава, у Беларусі будуць створаны дадатковыя стымулы для павышэння зацікаўленасці дзелавых колаў удзельнічаць у інавацыйных праектах. Для таго каб павысіць зацікаўленасць прыватных прадпрыемстваў ва ўдзеле ў навукова-тэхнічных праграмах, у Савет Міністраў унесены праект указа кіраўніка дзяржавы, які прадугледжвае магчымасць перадачы ў прыватную ўласнасць вынікаў навукова-тэхнічных праграм (тэхналогій, патэнтаў, прамысловых узораў і іншай інтэлектуальнай уласнасці) пры кампенсацыі ўдзельнікам праграмы - прыватным прадпрыемствам сродкаў бюджэту з сабекошту прадукцыі на працягу трох гадоў. Гэты праект абмеркаваны з прадстаўнікамі інавацыйных прадпрыемстваў прыватнага бізнесу і станоўча імі ўспрыняты.

Для развіцця бізнесу ў інавацыйнай сферы Дзяржаўным камітэтам па навуцы і тэхналогіях пачынаючы з 2012 года плануецца ўстанаўліваць долю сродкаў, што выдзяляюцца з Беларускага інавацыйнага фонду на падтрымку праектаў прадпрыемстваў недзяржаўнай формы ўласнасці. У 2012 годзе яна павінна скласці не менш як 25 працэнтаў ад агульнага аб'ёму фінансавання праектаў.

Прадугледжана пераўтварэнне Беларускага інавацыйнага фонду ў акцыянернае таварыства з функцыямі венчурнага фінансавання. Гэта дасць магчымасць падтрымліваць за кошт сродкаў фонду венчурныя праекты, найперш прыватных прадпрыемстваў, прыцягваць на іх рэалізацыю грошы прыватных інвестараў і на суфінансаванне - прыватных венчурных арганізацый.

Да развіцця інавацыйных праектаў будзе актыўна прыцягвацца супольнасць бізнес-анёлаў і венчурных інвестараў "БАВІН", у тым ліку пры падрыхтоўцы нарматыўных прававых актаў па венчурнаму фінансаванню. Прадугледжваецца, што некаторыя праекты, якія падтрымліваюцца на пачатковай стадыі "БАВІНам", на этапе ўкаранення ў вытворчасць будуць суфінансавацца або фінансавацца Беларускім інавацыйным фондам. Прадоўжыцца работа па развіццю інфраструктуры інавацыйнага бізнесу.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску