14 лістапада, Мінск /Аліна Грышкевіч - БЕЛТА/. Беларусь з'яўляецца значным партнёрам для Польшчы ў гандлёва-эканамічнай сферы. Такую думку сёння выказаў Надзвычайны і Паўнамоцны Пасол Польшчы ў Беларусі Лешак Шарэпка на прэс-канферэнцыі, прысвечанай польскаму нацыянальнаму святу, паведамляе карэспандэнт БЕЛТА.
Ён падкрэсліў, што гандлёва-эканамічныя сувязі паміж нашымі краінамі развіваюцца даволі актыўна. У мінулым годзе беларуска-польскі тавараабарот, згодна з польскай статыстыкай, склаў амаль $3 млрд. Прыблізна такі аб'ём тавараабароту павінен быць і па выніках 2013 года. У прыватнасці, за 8 месяцаў паказчык тавараабароту, паводле інфармацыі польскага боку, дасягнуў больш як $2 млрд. пры росце 3 працэнты.
Лешак Шарэпка адзначыў важнасць міжрэгіянальнага супрацоўніцтва, а таксама кантактаў паміж еўрарэгіёнамі. У прыватнасці, згадаў аб беларуска-польска-ўкраінскіх праектах.
Пасол Польшчы таксама падкрэсліў, што ў будучым годзе плануецца арганізаваць форум гарадоў-пабрацімаў Беларусі і Польшчы, якіх звязвае плённае супрацоўніцтва.
Пн | Аўт | Сер | Чцв | Пт | Сб | Нядз |
---|