Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Jun 2014

Беларусь развівае аграэкатурызм сумесна з Латвіяй і Літвой

4 чэрвеня, Мінск /Марыя Дзмітрыева - БЕЛТА/. Беларусь развівае аграэкатурызм сумесна з Латвіяй і Літвой, паведаміў сёння журналістам намеснік старшыні Беларускай гандлёва-прамысловай палаты Уладзімір Улаховіч на міжнародным бізнес-форуме "Сельскі турызм: магчымасці, праблемы, перспектывы", арганізаваным у рамках рэалізацыі праекта міжнароднай тэхнічнай дапамогі "Развіццё адзінай платформы падтрымкі доўгатэрміновага супрацоўніцтва прадпрымальнікаў Латвіі, Літвы і Беларусі", перадае карэспандэнт БЕЛТА.

"У час рэалізацыі праекта плануецца арганізаваць цэнтр падтрымкі прадпрымальніцтва, які дапаможа надаць новы імпульс развіццю аграэкатурызму на тэрыторыі краін-удзельніц, падтрымаць сегмент малога прадпрымальніцтва, задзейнічаны ў гэтай сферы", - сказаў Уладзімір Улаховіч.

Прадстаўнік БелГПП дадаў, што сустрэча сама па сабе мае вялікае значэнне. "Перш за ўсё, таму што яна накіравана на ўзмацненне ўзаемадзеяння паміж трыма суседнімі дзяржавамі, - дадаў намеснік старшыні. - Мы жывём у адным, балтыйскім, субрэгіёне, нас звязваюць агульныя прырода, экалогія, хаця ёсць і агульныя праблемы... Таму вельмі важна, каб мы, у тым ліку на ўзроўні малога і сярэдняга прадпрымальніцтва, шукалі магчымасці для развіцця супрацоўніцтва".

Паводле слоў Уладзіміра Улаховіча, праект "Развіццё адзінай платформы падтрымкі доўгатэрміновага супрацоўніцтва прадпрымальнікаў Латвіі, Літвы і Беларусі" даволі кароткатэрміновы. "Ён стартаваў у студзені 2014 года і будзе доўжыцца да снежня бягучага года, - растлумачыў намеснік старшыні. - Спадзяюся, што за гэты перыяд мы зможам падтрымаць адзін аднаго". Спецыяліст адзначыў, што праграма праекта насычаная. У прыватнасці, яна ўключае ў сябе не толькі бізнес-сустрэчы... Плануецца таксама стварыць пастаянна дзеючую электронную платформу ў рэжыме B2B, на якой прадстаўнікі бізнес-асяроддзя змогуць абменьвацца ідэямі, кантактамі.

Паводле слоў намесніка старшыні, тэма развіцця сельскага турызму стала ў цэнтры ўвагі нездарма. "Аграэкатурызм дынамічна развіваецца на тэрыторыі як Беларусі, так Латвіі і Літвы. "Прычым у нашай краіне сектар аграэкатурызму развіваецца вельмі актыўна, - дадаў спецыяліст. - У нас ёсць нарматыўна-прававая база, якая адкрывае вельмі вялікія магчымасці для развіцця сельскага турызму, размова ідзе перш за ўсё аб указе кіраўніка дзяржавы нумар 372 "Аб мерах па развіцці аграэкатурызму ў Рэспубліцы Беларусь", якім створаны выгадныя ўмовы для развіцця сектара.

"Перавагі, якія створаны ўказам і іншымі заканадаўчымі актамі, - унікальныя. Думаю, беларускі вопыт будзе карысны для краін Балтыі, а нам у сваю чаргу будуць цікавы іх напрацоўкі", - адзначыў спецыяліст і падкрэсліў, што такое супрацоўніцтва будзе карысна для ўсіх, асабліва з улікам таго, што турызм - важны сектар эканомік Беларусі, Латвіі і Літвы.

Праект міжнароднай тэхнічнай дапамогі "Развіццё адзінай платформы падтрымкі доўгатэрміновага супрацоўніцтва прадпрымальнікаў Латвіі, Літвы і Беларусі" распрацаваны з мэтай ажыццяўлення Праграмы трансгранічнага супрацоўніцтва "Латвія, Літва і Беларусь".

Асноўная задача праекта - садзейнічаць развіццю доўгатэрміновага супрацоўніцтва і сумеснага трансгранічнага прадпрымальніцтва, ураўнаванню магчымасцей і ўмоў для развіцця прадпрымальніцтва, стымуляванню трансгранічнага абмену вопытам, павелічэнню абароту тавараў і паслуг паміж краінамі-партнёрамі.

Праект прадугледжвае стварэнне адзінай сістэмы падтрымкі прадпрымальніцтва ў Беларусі, Латвіі і Літве.

Міжнародны бізнес-форум "Сельскі турызм: магчымасці, праблемы, перспектывы", які прайшоў у рамках праекта, накіраваны на ўмацаванне супрацоўніцтва прадпрымальнікаў прыгранічных рэгіёнаў Латвіі, Літвы і Беларусі ў сферы аграэкатурызму.

Удзел у сустрэчы прынялі прадстаўнікі бізнес-асяроддзя Беларусі, Латвіі, Літвы, а таксама БГА "Адпачынак у вёсцы". У час форуму абмяркоўваліся магчымасці і перспектывы развіцця аграэкатурызму як аднаго з відаў супрацоўніцтва ў трансгранічным рэгіёне.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі