13 мая, Ерэван /Кар. БЕЛТА/. Беларусь разлічвае пашырыць пастаўкі ў Арменію буйнакар'ернай тэхнікі. Аб гэтым сёння ў Ерэване заявіў міністр прамысловасці Беларусі Дзмітрый Кацярыніч на сустрэчы з міністрам эканомікі Арменіі Ваграмам Аванесянам, перадае карэспандэнт БЕЛТА.
У прыватнасці, беларускі міністр адзначыў, што ў Арменіі добра развіта горназдабыўная прамысловасць, і тэхніка прадпрыемства "БелАЗ" грузападымальнасцю да 130 т ужо запатрабавана і паспяхова працуе ў гэтай краіне. "Спадзяюся, што для распрацоўкі новых радовішчаў мы ўжо ў канцы бягучага года або ў 2014-м паставім сюды і першыя 160-тонныя БелАЗы", - адзначыў міністр.
Дзмітрый Кацярыніч таксама выказаў гатоўнасць арганізаваць пастаўкі ў Арменію і іншай неабходнай тэхнікі, якая выпускаецца ў Беларусі. Так, для сельскай гаспадаркі беларускімі прадпрыемствамі распрацаваны цэлы шлейф тэхнікі і абсталявання, сярод якіх у тым ліку ёсць агрэгаты для апрацоўкі вінаграднікаў.
У сваю чаргу міністр эканомікі Арменіі таксама выказаў зацікаўленасць у рэалізацыі намечаных сумесных праектаў і пошуку новых відаў і напрамкаў супрацоўніцтва, якія далі б магчымасць значна нарасціць двухбаковы тавараабарот.
Пн | Аўт | Сер | Чцв | Пт | Сб | Нядз |
---|