Бізнес-навіны
Беларусь плануе прэзентаваць у Барселоне магчымасці гандлёва-эканамічнага і інвестыцыйнага супрацоўніцтва з Іспаніяй
13 верасня, Мінск /Кар. БЕЛТА/. Надзвычайны і Паўнамоцны Пасол Беларусі ў Францыі і Іспаніі па сумяшчальніцтву Павел Латушка 12 верасня ў Барселоне правёў шэраг сустрэч ва ўрадзе рэгіёна Каталонія. На сустрэчах разгледжаны перспектыўныя напрамкі эканамічнага і гуманітарнага ўзаемадзеяння з гэтым рэгіёнам, паведамілі БЕЛТА ў прэс-службе МЗС Беларусі.
На сустрэчы з сакратаром па замежных справах і справах ЕС урада Каталоніі Ражэ Альбіньяна дасягнута дамоўленасць аб узаемным садзейнічанні развіццю супрацоўніцтва ў сферы гандлю, прыцягнення інвестыцый, культуры і турызму.
З кіраўніцтвам Агенцтва па развіццю прадпрымальніцтва ўрада Каталоніі і Каталонскай федэрацыі прамыслоўцаў і прадпрымальнікаў былі абмеркаваны пытанні правядзення ў Барселоне прэзентацыі магчымасцей гандлёва-эканамічнага і інвестыцыйнага супрацоўніцтва Беларусі з Іспаніяй.
Адбылася таксама сустрэча Паўла Латушкі з Ганаровым консулам Беларусі ў Барселоне Мануэлем Мэнда.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
