Бізнес-навіны

"У час пасяджэння Беларусь мае намер узняць пытанне перапрацоўкі адпрацаваных элементаў сілкавання (батарэек і акумулятараў), - сказаў Уладзімір Цалко. - Будзем, у прыватнасці, ініцыіраваць разгляд прапановы аб будаўніцтве завода па перапрацоўцы старых батарэек на тэрыторыі Беларусі або, можа, Расіі".

Паводле слоў міністра, перапрацоўка батарэек, якія выпрацавалі свой рэсурс, - вельмі актуальнае пытанне для Беларусі, дзе сабраліся тоны такіх адходаў, а пытанне іх перапрацоўкі, абясшкоджвання і выкарыстання застаецца нявырашаным.

Пасяджэнне Міждзяржаўнага экалагічнага савета дзяржаў - удзельніц СНД, створанага ў маі 2013 года, праходзіць сёння ўпершыню. Удзельнікі сустрэчы плануюць прааналізаваць выкананне міжурадавых пагадненняў СНД па экалогіі і ахове навакольнага асяроддзя, разгледзець праблемы і перспектывы далейшага супрацоўніцтва, абмеркаваць план работы савета на 2015-2016 гады. Акрамя таго, плануецца абмеркаванне ўзаемадзеяння з Міжнароднай акадэміяй навук экалогіі і бяспекі жыццядзейнасці. Удзел у пасяджэнні прынялі прадстаўнікі прыродаахоўных міністэрстваў і ведамстваў Беларусі, Расіі, Арменіі, Казахстана, Таджыкістана, а таксама Выканаўчага камітэта СНД.