11 чэрвеня, Мінск /Кар. БЕЛТА/. Беларусь можа атрымаць шосты транш крэдыту Антыкрызіснага фонду ЕўрАзЭС у верасні-кастрычніку, паведаміў сёння журналістам пасол Расіі ў Беларусі Аляксандр Сурыкаў, передае карэспандэнт БЕЛТА.
Паводле слоў дыпламата, у ліпені прадстаўнікі Еўразійскага банка і Беларусі павінны сустрэцца і вырашыць лёс астатняга траншу крэдыту. "Пасольства бачыць сваю задачу ў тым, каб паспрабаваць паскорыць гэту сустрэчу і знайсці рашэнне, каб у гэтым годзе да восені, хаця б у верасні-кастрычніку, гэты транш
$440 млн быў атрыманы. Лічу, што ён будзе атрыманы", - сказаў Аляксандр Сурыкаў.Савет Антыкрызіснага фонду ЕўрАзЭС 4 чэрвеня 2011 года адобрыў выдзяленне Беларусі фінансавага крэдыту ў аб'ёме
$3 млрд. Крэдыт выдзяляецца шасцю траншамі на працягу 2011-2013 гадоў у адпаведнасці з выкананнем этапаў Стабілізацыйнай праграмы ўрада Беларусі, нацэленай на стабілізацыю плацежнага балансу і павышэнне канкурэнтаздольнасці эканомікі. Фінансавыя ўмовы крэдыту адпавядаюць стандартным умовам АКФ для дзяржаў - удзельніц з сярэднім узроўнем даходаў. Крэдыт прадастаўлены тэрмінам на 10 гадоў, уключаючы трохгадовы льготны перыяд, і нясе плаваючую працэнтную стаўку, якая адлюстроўвае цану фандавання Расіі на міжнародных рынках.У красавіку мінулага года Беларусь атрымала пяты транш крэдыту АКФ ЕўрАзЭС. З яго ўлікам у цэлым краіне было пералічана
$2 млрд 560 млн для падтрымання плацежнага балансу і папаўнення міжнародных рэзерваў. У 2013 годзе рэспубліка разлічвала атрымаць таксама шосты транш крэдыту, сума якога складае $440 млн. Аднак у канцы снежня Савет АКФ адклаў на паўгода разгляд пытання аб прадастаўленні яго Беларусі.Антыкрызісны фонд ЕўрАзЭС у памеры
$8,513 млрд быў заснаваны 9 чэрвеня 2009 года ўрадамі Арменіі, Беларусі, Казахстана, Кыргызстана, Расіі і Таджыкістана. Гэтыя ж дзяржавы з'яўляюцца ўдзельніцамі Еўразійскага банка развіцця. Мэтамі АКФ з'яўляецца садзейнічанне краінам-удзельніцам у пераадоленні наступстваў глабальнага фінансавага крызісу, забеспячэнні іх эканамічнай і фінансавай стабільнасці, падтрымцы інтэграцыйных працэсаў у рэгіёне. Дзяржавы - удзельніцы Антыкрызіснага фонду надзялілі Еўразійскі банк развіцця функцыямі кіраўніка сродкамі фонду.Пн | Аўт | Сер | Чцв | Пт | Сб | Нядз |
---|