28 жніўня, Астрахань /БЕЛТА - ІТАР-ТАСС/. Рэспубліка Беларусь мае намер павялічыць у 1,4 раза пастаўкі малочнай прадукцыі ў Расію. У тым ліку са жніўня па снежань на расійскі рынак павінна паступіць амаль 70 тыс. т беларускіх сыроў. Аб гэтым журналістам паведаміў міністр сельскай гаспадаркі і харчавання Беларусі Леанід Заяц, які прыбыў у Астрахань з рабочым візітам.
"Нам няма неабходнасці павышаць цэны, нам галоўнае прысутнічаць на расійскім рынку з нашым прадуктам. Плануемы аб'ём па сырах са жніўня па снежань - прыкладна 70 тыс. т", - сказаў Леанід Заяц.
Паводле яго слоў, Беларусь пераглядае ўжо свой асартымент тавараў і нават гатова перапрафіляваць некаторыя малочныя прадпрыемствы.
Акрамя таго, Беларусь гатова паставіць у Расію больш за 1 млн т харчовай бульбы, звыш 200 тыс. т агародніны, 100 тыс. т мукі, таксама беларускі бок гатовы павялічыць пастаўкі мяса.
Міністр падкрэсліў, што Беларусь свой удзел на харчовым рынку РФ разглядае як абавязковы.
Пн | Аўт | Сер | Чцв | Пт | Сб | Нядз |
---|