Бізнес-навіны

Беларусь мае намер пашырыць прысутнасць на рынках АСЕАН пры дапамозе АЭП

14 верасня, Мінск /Ганна Кот - БЕЛТА/. Беларусь плануе пашырыць сваю прысутнасць на рынках АСЕАН пры дапамозе АЭП. Аб гэтым паведаміў сёння на прэс-канферэнцыі прэм'ер-міністр Беларусі Міхаіл Мясніковіч, перадае карэспандэнт БЕЛТА.

"Мы бачым вялікія перспектывы па краінах Паўднёва-Усходняй Азіі, дзяржавах АСЕАН. Я лічу, што ў нас наладжваюцца добрыя адносіны з В'етнамам, Камбоджы, шэрагам іншых дзяржаў. І мы дамовіліся з расіянамі, што будзем актывізаваць працэс работы над пагадненнем аб свабодным гандлі паміж АЭП і АСЕАН праз В'етнам, - адзначыў прэм'ер-міністр. - Гэта 500 млн. насельніцтва, не да канца задаволены плацежаздольны попыт, інакш кажучы, ніша ёсць. І мы лічым, што ў гэтым плане мы можам даволі сур'ёзна дыверсіфікаваць наш экспарт".

У гэтым годзе Беларусь адкрыла для сябе 15 краін, зарабіўшы $335 млн. на новых рынках і за кошт пашырэння тых, дзе раней прысутнічала вельмі ўмоўна, адзначыў прэм'ер-міністр. Таму ў гэтым плане прадугледжана падтрымка экспартных кантрактаў, лізінгавыя пастаўкі і гэтак далей, у тым ліку пастаўкі з адтэрміноўкай плацяжу. "Вядома, мы тут сутыкаемся з такім пытаннем як дэбіторская запазычанасць, але дэбіторскія запазычанасці адрозніваюцца адна ад адной. Вядома, лепш гандляваць з папярэдняй аплатай, але такіх актывістаў ужо мала, увесь свет сёння гандлюе ў доўг", - сказаў Міхаіл Мясніковіч.

Прэм'ер-міністр падкрэсліў, што беларускі ўрад будзе ўсяляк падтрымліваць экспарт, які дае прыкладна 84 працэнты ВУП. Пастаўлена таксама задача па стварэнню новых вытворчасцей за мяжой. "Трэба ствараць паўнацэнныя заводы, прапаноўваць выгадныя ўмовы, укладаць туды інвестыцыі, прыцягваць мясцовыя кампаніі", - адзначыў Міхаіл Мясніковіч.

версія для друку

зрабіць стартавай

дабавіць у выбранае