Бізнес-навіны

Беларусь і В'етнам плануюць стварыць сумесны цэнтр распрацоўкі

3 верасня, Мінск /Кар. БЕЛТА/. Дэлегацыя в'етнамскай акадэміі навук і тэхналогій (ВАНТ) 4-8 верасня наведае Беларусь. У час візіту плануецца падпісаць дакументы па стварэнню сумеснага цэнтра распрацоўкі і асваення ў вытворчасці тэхналогій у галіне прыбора- і машынабудавання, энергетыкі і хімічнай прадукцыі. Аб гэтым паведамілі карэспандэнту БЕЛТА ў прэс-службе Нацыянальнай акадэміі навук Беларусі.

В'етнамскую дэлегацыю ўзначаліць прэзідэнт ВАНТ Цьяу Ван Мінь. 5 верасня ён сустрэнецца са старшынёй Прэзідыума Нацыянальнай акадэміі навук Беларусі Анатолем Русецкім. У час сустрэчы плануецца абмеркаваць перспектыўныя напрамкі супрацоўніцтва, у тым ліку ў галіне падрыхтоўкі навуковых кадраў вышэйшай кваліфікацыі; навуковыя праекты для ўключэння ў план мерапрыемстваў па развіццю навукова-тэхнічнага супрацоўніцтва паміж НАН Беларусі і ВАНТ на 2013-2015 гады.

Як чакаецца, палажэнне аб сумесным цэнтры распрацоўкі і асваення ў вытворчасці тэхналогій у галіне прыбора- і машынабудавання, энергетыкі і хімічнай прадукцыі ВАНТ і НАН Беларусі будзе падпісана 7 верасня.

Госці з В'етнама таксама наведаюць Беларускі рэспубліканскі фонд фундаментальных даследаванняў, Рэспубліканскі цэнтр трансферу тэхналогій, Інстытут падрыхтоўкі навуковых кадраў НАН Беларусі, Цэнтральны Батанічны сад НАН Беларусі, Інстытут хіміі новых матэрыялаў, Інстытут цепла- і масаабмену імя А.В. Лыкава, Інстытут біяфізікі і клетачнай інжынерыі, Інстытут біяарганічнай хіміі і прадпрыемства "Акадэмфарм".

версія для друку

зрабіць стартавай

дабавіць у выбранае