4 снежня, Мінск /Кар. БЕЛТА/. Беларусь і В'етнам абмяркоўваюць узаемадзеянне ў сферах прамысловасці і інвестыцый. Аб гэтым сёння на брыфінгу ў Міністэрстве замежных спраў паведаміў начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
"Сёння ў В'етнаме ў горадзе Хашымін праходзіць 11-е пасяджэнне беларуска-в'етнамскай міжурадавай камісіі па гандлёва-эканамічным і навукова-тэхнічным супрацоўніцтве. Беларускую дэлегацыю ўзначальвае намеснік міністра замежных спраў Беларусі Валянцін Рыбакоў", - паведаміў Дзмітрый Мірончык.
Бакі падвядуць вынікі супрацоўніцтва дзвюх краін у розных сферах з моманту правядзення папярэдняга пасяджэння камісіі. Будзе абмеркаваны ход рэалізацыі праграмы супрацоўніцтва паміж Беларуссю і В'етнамам у эканамічнай сферы. "Будуць разгледжаны пытанні супрацоўніцтва ў гандлёва-эканамічнай сферы, прамысловасці, сельскай гаспадарцы, сферы фінансаў і інвестыцый, навукі і тэхналогій, медыцыны, адукацыі і падрыхтоўкі кадраў, культуры, інфармацыі, спорту і турызму, рэгіянальнага ўзаемадзеяння", - удакладніў прэс-сакратар МЗС.
Пн | Аўт | Сер | Чцв | Пт | Сб | Нядз |
---|