Бізнес-навіны
Беларусь і Венгрыя зацікаўлены ў сумесных гандлёва-інвестыцыйных праектах
6 кастрычніка, Мінск /Кар. БЕЛТА/. Беларусь і Венгрыя зацікаўлены ў сумесных гандлёва-інвестыцыйных праектах. Размова аб гэтым ішла сёння на сустрэчы Надзвычайнага і Паўнамоцнага Пасла Беларусі ў Венгрыі Аляксандра Хайноўскага з дзяржаўным сакратаром Міністэрства замежных спраў і знешняга гандлю Венгрыі Ласла Саба, паведамілі БЕЛТА ў прэс-службе знешнепалітычнага ведамства.
Субяседнікі выказалі зацікаўленасць у распрацоўцы і падтрымцы канкрэтных сумесных гандлёва-інвестыцыйных праектаў, а таксама дамовіліся падтрымліваць цесныя рабочыя кантакты.
У ходзе размовы бакі абмеркавалі пытанні падрыхтоўкі да чарговага пасяджэння міжурадавай камісіі і бізнес-форуму ў Мінску. "Асаблівая ўвага была ўдзелена актывізацыі гандлёва-эканамічных сувязей і кантактаў бізнес-супольнасцей дзвюх краін", - праінфармавалі ў прэс-службе МЗС.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
