3 мая, Мінск /Кар. БЕЛТА/. Беларусі і Таджыкістану неабходна актывізаваць гандлёва-эканамічнае ўзаемадзеянне. Такое меркаванне было агучана ў час дзявятага пасяджэння Беларуска-таджыкскай міжурадавай камісіі па пытаннях гандлёва-эканамічнага супрацоўніцтва, якое прайшло напярэдадні ў Міністэрстве сельскай гаспадаркі і харчавання Беларусі, паведамляе БЕЛТА.
Нягледзячы на станоўчую дынаміку супрацоўніцтва ў аграрнай сферы, бакі адзначылі зніжэнне дынамікі росту ўзаемнага тавараабароту. "У сувязі з гэтым камісія лічыць неабходным актывізаваць гандлёва-эканамічнае супрацоўніцтва ў галіне сельскай гаспадаркі, харчовай і лёгкай прамысловасці, машынабудавання, гуманітарнай сферы", - адзначылі ў прэс-службе Мінсельгасхарча. Акрамя таго, бакі павінны больш актыўна весці фінансавае ўзаемадзеянне з дапамогай лізінгу, развіваць і ўмацоўваць рэгіянальнае супрацоўніцтва і ўзаемадзеянне па лініі гандлёва-прамысловых палат.
Камісія адзначыла вялікі патэнцыял для павелічэння ўзаемнага тавараабароту паміж краінамі. Пры гэтым, на думку спецыялістаў, бакам неабходна прыняць узгодненыя меры па ўмацаванні гандлёва-эканамічнага супрацоўніцтва, накіраванага на павелічэнне экспартна-імпартных аперацый і пашырэнне наменклатуры пастаўляемых тавараў.
Пн | Аўт | Сер | Чцв | Пт | Сб | Нядз |
---|