10 снежня, Мінск /Аліна Грышкевіч - БЕЛТА/. Беларусь і Ірландыя абмяркоўваюць пытанні ўмацавання двухбаковага гандлёва-эканамічнага і інвестыцыйнага супрацоўніцтва, паведамілі БЕЛТА ў прэс-службе МЗС.
Гэтыя тэмы былі ў цэнтры ўвагі 8-9 снежня ў час рабочай паездкі Надзвычайнага і Паўнамоцнага Пасла Беларусі ў Вялікабрытаніі і Ірландыі (па сумяшчальніцтве) Сяргея Алейніка ў Дублін (Ірландыя). У прыватнасці, праведзены перагаворы з палітычным дырэктарам МЗС Ірландыі Бары Робінсанам, генеральным дырэктарам упраўлення па справах ЕС Офіса прэм'ер-міністра Ірландыі Лорканам Фуламам. Бакі абмеркавалі пытанні развіцця гандлёва-эканамічнага, палітычнага і гуманітарнага супрацоўніцтва, узаемадзеяння па лініі Беларусь - ЕС, а таксама сітуацыю ў рэгіёне.
Практычныя аспекты ўмацавання двухбаковага гандлёва-эканамічнага і інвестыцыйнага супрацоўніцтва былі разгледжаны на сустрэчах з міністрам сельскай, воднай гаспадаркі і харчавання Ірландыі Сайманам Кавені і кіраўніцтвам Ірландскай фондавай біржы.
Пн | Аўт | Сер | Чцв | Пт | Сб | Нядз |
---|