21 мая, Мінск /Таццяна Іванюк - БЕЛТА/. Беларусь і Расія разглядаюць розныя механізмы адмены экспартных пошлін на нафтапрадукты для беларускага боку. Аб гэтым сёння журналістам паведаміў першы намеснік прэм'ер-міністра Беларусі Уладзімір Сямашка, перадае карэспандэнт БЕЛТА.
"Розныя механізмы ёсць, я лічу, тут самае галоўнае - прынцыповая дамоўленасць, што гэта будзе зроблена", - сказаў першы намеснік кіраўніка ўрада і адзначыў, што для Беларусі гэта вельмі важнае пытанне.
Уладзімір Сямашка нагадаў, што раней прэзідэнты Беларусі і Расіі дамовіліся "не заглядаць далей за 2015 год, паколькі сітуацыя дынамічна змяняецца". З улікам абставін, у 2015 годзе плануецца вырашыць, якім чынам тыя вывазныя пошліны на нафтапрадукты пакінуць у распараджэнні Беларусі. "Было б абсалютна правільна, калі б такое выключэнне было знята", - лічыць першы віцэ-прэм'ер. Гаворачы аб прынцыпе роўнага доступу да газатранспартнай сістэмы, Уладзімір Сямашка нагадаў: "Цяпер у нас фармулёўка такая - гэта будзе з моманту выхаду на рэнтабельныя цэны пастаўкі газу для ўнутранага спажывання". Ён выказаў меркаванне, што гэты парог наступіць раней, чым 2025 год.
Пн | Аўт | Сер | Чцв | Пт | Сб | Нядз |
---|