19 лістапада, Мінск /Кар. БЕЛТА/. Пасяджэнне беларуска-польскай рабочай групы па супрацоўніцтве ў галіне энергетыкі адбудзецца 20-21 лістапада ў Брэсце, паведамілі БЕЛТА ў прэс-службе Міністэрства энергетыкі Беларусі.
"У ходзе мерапрыемства плануецца выпрацаваць пазіцыю па наладжванні новых прамых кантактаў кампаній энергетычнага сектара Беларусі і Польшчы, а таксама ўзгадніць падыходы па пытаннях, звязаных з актывізацыяй трансгранічнага гандлю электраэнергіяй", - расказалі спецыялісты. Удзельнікі сустрэчы, у прыватнасці, абмяркуюць тэмы развіцця трансгранічнага злучэння Рось-Нараў і ўзаемадзеяння па выкарыстанні існуючай лініі 110 кВ Брэст-2 - Вулька-Дабрыньска з мэтай трансгранічнага гандлю і аказання аварыйнай дапамогі.
Акрамя таго, плануецца разгледзець пытанні супрацоўніцтва ў сферы тарфяной прамысловасці і іншых напрамках, што ўяўляюць узаемны інтарэс.
Па выніках пасяджэння рабочай групы будуць падрыхтаваны прапановы для ўнясення ў праект пратакола Сумеснай беларуска-польскай камісіі па эканамічным супрацоўніцтве, што адбудзецца 1-2 снежня 2014 года.
Пн | Аўт | Сер | Чцв | Пт | Сб | Нядз |
---|