У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

3 Крс 2014

Беларусь і Польшча дамовіліся разглядаць пытанні эканамічнага і трансгранічнага супрацоўніцтва ў прыярытэтным парадку

3 красавіка, Мінск /Кацярына Марковіч - БЕЛТА/. Беларусь і Польшча дамовіліся разглядаць пытанні эканамічнага і трансгранічнага супрацоўніцтва ў прыярытэтным парадку. Аб гэтым паведаміў сёння журналістам намеснік міністра замежных спраў Беларусі Аляксандр Гур'янаў на Беларуска-польскім бізнес-форуме, які праходзіць у Мінску, перадае карэспандэнт БЕЛТА.

"Улічваючы, што цяпер ідзе пэўная нармалізацыя адносін Беларусі і Польшчы па палітычных пытаннях, мы дамовіліся, што пытанні эканамічнага і трансгранічнага супрацоўніцтва павінны разглядацца ў прыярытэтным парадку. Таму мы вырашылі правесці шэраг сустрэч па канкрэтных пытаннях, цяпер праводзяцца пасяджэнні групы па гандлі і інвестыцыях, бізнес-форум, адбыліся кансультацыі па консульскіх пытаннях і сустрэчы прадстаўнікоў пагранічных і мытных ведамстваў па інфраструктуры сумеснай граніцы", - адзначыў намеснік міністра.

Аляксандр Гур'янаў адзначыў, што цяпер ідзе абмеркаванне новага дагавора аб рэжыме сумеснай граніцы. "Гэта важна, таму што паміж Польшчай і Беларуссю не толькі сумесная граніца, але і граніца паміж Еўрапейскім і Мытным саюзамі. Ужо ёсць пэўныя рашэнні наконт павелічэння колькасці пунктаў пропуску і пашырэння прапускной здольнасці, таму што прадстаўнікі бізнесу па-ранейшаму скардзяцца на праблемы з перасячэннем граніцы, асабліва гэта датычыцца грузапатокаў", - растлумачыў ён. Паводле інфармацыі намесніка міністра, бакі абмеркавалі пытанні двухбаковага гандлю, рэалізацыі інвестыцыйных праектаў, узаемадзеянне ў галіне транспарту, прамысловасці, сельскай гаспадаркі.

Таксама, на думку намесніка міністра, Беларусь і Польшча палепшылі інфармацыйны фон узаемаадносін. "Раней гучала шмат крытыкі ў бок Беларусі ад польскіх СМІ, яна і цяпер ёсць, але мы гатовы ўспрымаць канструктыўную крытыку, мы не гатовы прымаць крытыку, якая псуе нашы адносіны. Мы са свайго боку заўсёды прытрымліваліся пазіцыі, што суседзяў не выбіраюць, таму трэба знаходзіць агульную мову, нягледзячы на тое, што часам пункты гледжання па прынцыповых пытаннях разыходзяцца", - адзначыў Аляксандр Гур'янаў.

Ён падкрэсліў, што Беларусь заўсёды заклікала Польшчу да дыялогу, паколькі, на яго думку, любыя несастыкоўкі на двухбаковым узроўні ствараюць праблемы ў рабоце калідора Еўрасаюз - Мытны саюз. "Цяпер прыйшло пэўнае ўсведамленне таго, што, калі далей спрачацца і не слухаць адзін аднаго, мы зойдзем у тупік, а першапачаткова беларуска-польскія гандлёва-эканамічныя адносіны былі найбольш актыўнымі і па многіх пытаннях мы працавалі ўзгоднена. Прадстаўнікі бізнесу нашых краін засумавалі па актыўных сустрэчах, яны чакаюць, каб палітыкі не ўмешваліся, а дапамагалі ім", - падкрэсліў намеснік міністра замежных спраў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску