12 снежня, Кішынёў /Андрэй Гусін - БЕЛТА/. Беларусь і Малдова паглыбяць прамысловую кааперацыю і актывізуюць інвестыцыйнае супрацоўніцтва, паведамілі карэспандэнту БЕЛТА ва ўрадзе Малдовы. Адпаведная дамоўленасць дасягнута ў час праведзенага ў Кішынёве 15-га пасяджэння міжурадавай беларуска-малдаўскай камісіі па гандлёва-эканамічнаму супрацоўніцтву.
Міністэрства прамысловасці Беларусі і Міністэрства эканомікі Малдовы да канца 2013 года ўзгодняць і да 31 студзеня 2014 года падпішуць пералікі прадукцыі, якая пастаўляецца па прамысловай кааперацыі прадпрыемствамі дзвюх краін. Бакі дамовіліся аб пашырэнні наменклатуры пастаўляемай прадукцыі і ўключэнні новых прадпрыемстваў у вытворчыя адносіны па кааперацыі.
Бакі пацвердзілі зацікаўленасць ва ўзаемным прыцягненні інвестыцый і дамовіліся выкарыстоўваць сайты Мінэканомікі Беларусі і Нацыянальнага агенцтва інвестыцый і прыватызацыі Беларусі, адпаведныя сайты Малдовы ў мэтах інфармавання дзелавых колаў бакоў аб інвестыцыйных магчымасцях і ўмовах вядзення бізнесу ў дзвюх краінах.
Плануецца таксама, што Міністэрства транспарту і камунікацый і Міністэрства прамысловасці Беларусі сумесна з Міністэрствам транспарту і дарожнай інфраструктуры Малдовы і дзяржпрадпрыемствам "Чугунка Малдовы" прапрацуюць пытанні рамонту і закупкі рухомага саставу, у тым ліку шляхам рэалізацыі лізінгавых схем з прыцягненнем ААТ "Прамагралізінг". Вырашана прадоўжыць у 2014 годзе капітальна-аднаўленчы рамонт у ААТ "Мінскі вагонарамонтны завод" пасажырскіх вагонаў інвентарнага парку дзяржпрадпрыемства "Чыгунка Малдовы".
Беларуская чыгунка вывучыць магчымасць рамонту і мадэрнізацыі пасажырскіх вагонаў і вагонаў-рэстаранаў ДП "Чыгунка Малдовы" ў 2014 годзе ў ААТ "Мінскі вагонарамонтны завод" і ЗАТ "Гомельскі вагонабудаўнічы завод". Мэрыя Кішынёва і ААТ "Мінскі аўтамабільны завод" прапрацуюць пытанні ўдзелу ў праектах абнаўлення аўтобуснага парку малдаўскай сталіцы.
Пн | Аўт | Сер | Чцв | Пт | Сб | Нядз |
---|