1 верасня, Мінск /Уладзімір Мацвееў - БЕЛТА/.
Беларусь і Кувейт абмяркоўваюць развіццё супрацоўніцтва ў эканоміцы і сферы інвестыцый. Аб гэтым сёння паведаміў журналістам намеснік міністра замежных спраў Беларусі Валянцін Рыбакоў па выніках праведзенага ў Мінску другога пасяджэння сумеснай беларуска-кувейцкай камісіі па эканамічным, гандлёвым і тэхнічным супрацоўніцтве, перадае карэспандэнт БЕЛТА.Валянцін Рыбакоў адзначыў плённую работу камісіі. "Мы абмяркоўвалі розныя пытанні ўмацавання двухбаковага ўзаемадзеяння ў эканоміцы, інвестыцыях і іншых галінах. Цяпер перад намі наступны этап работы - рэалізацыя ўсіх дамоўленасцей, якія былі дасягнуты. Беларускі бок зробіць усё, каб гэтыя дамоўленасці былі выкананы", - сказаў Валянцін Рыбакоў.
У сваю чаргу старшыня кувейцкай часткі сумеснай камісіі, намеснік міністра фінансаў Дзяржавы Кувейт Халіфа Мусаід Хамада заявіў аб наяўнасці значных магчымасцей для інвестыцыйнага супрацоўніцтва і ўзаемадзеяння па іншых напрамках паміж дзвюма краінамі. Ён адзначыў, што на пасяджэнні абмяркоўвалася магчымасць рэалізацыі ў бліжэйшы час некалькіх праектаў.
Па выніках мерапрыемства бакі падпісалі пратакол пасяджэння.
Пн | Аўт | Сер | Чцв | Пт | Сб | Нядз |
---|