Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

22 Jan 2014

Беларусь і Кітай створаць сумесны гандлёва-лагістычны цэнтр

22 студзеня, Шэньчжэнь /Таццяна Грыгаровіч - БЕЛТА/. Беларусь і Кітай дамовіліся стварыць гандлёва-лагістычны цэнтр. Аб гэтым у інтэрв'ю кітайскай газеце China Daily ў Пекіне паведаміў прэм'ер-міністр Беларусі Міхаіл Мясніковіч, перадае карэспандэнт БЕЛТА.

"З прэм'ерам Дзяржсавета Кітайскай Народнай Рэспублікі Лі Кэцянам мы дамовіліся аб стварэнні транспартна-лагістычнага цэнтра. Месца яшчэ не вызначана, але думаю, што гэта можа быць адзін з аэрапортаў на мяжы з Еўрапейскім саюзам - у Брэсцкай або Гродзенскай абласцях", - расказаў кіраўнік беларускага ўрада.

Ён лічыць, што гэта быў бы новы падыход для таго, каб тавары з Кітая па даволі эфектыўна выбудаваных лагістычных патоках паступалі не толькі ў Беларусь, але і ў аб'яднаную Еўропу.

У сувязі з гэтым Міхаіл Мясніковіч заклікаў кітайскія кампаніі прыняць актыўны ўдзел у рэалізацыі гэтага праекта, каб больш актыўна пашыраць інтарэсы кітайскіх таваравытворцаў.

Кіраўнік беларускага ўрада спыніўся і на іншых праектах, якія рэалізуюцца з азіяцкім партнёрам. "У прыватнасці, з удзелам кітайскіх кампаній ажыццяўляецца будаўніцтва аўтамабільных дарог. На гэты момант у рабоце знаходзіцца праект на $400 млн, дамовіліся, і ў бліжэйшы час будуць падпісаны дакументы па электрыфікацыі асобных участкаў беларускай чыгункі з прыцягненнем кітайскага крэдыту яшчэ на $170 млн", - адзначыў прэм'ер.

Цяпер завяршаецца ўнутрыдзяржаўная працэдура па закупцы чарговай партыі кітайскіх электравозаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі