30 кастрычніка, Мінск /Аліна Грышкевіч - БЕЛТА/. Беларусь і Кітай падпісалі рамачнае пагадненне аб фінансаванні першай чаргі будаўніцтва Кітайска-беларускага індустрыяльнага парку. Гэты дакумент заключаны па выніках праведзенагасёння ў Мінску 13-га пасяджэння беларуска-кітайскай міжурадавай камісіі па гандлёва-эканамічнаму супрацоўніцтву, перадае карэспандэнт БЕЛТА.
Старшыня беларускай часткі камісіі намеснік прэм'ер-міністра Анатоль Тозік і старшыня кітайскай часткі камісіі намеснік міністра камерцыі Цзян Яапін падпісалі падагульняючы мемарандум па выніках пасяджэння сумеснай камісіі па гандлёва-эканамічнаму супрацоўніцтву, а таксама пратакол першага пасяджэння міжурадавага каардынацыйнага савета Кітайска-беларускага індустрыяльнага парку.
Сёння падпісаны таксама дакумент аб намерах па закупцы кітайскай кампаніяй Sumstar Group Corp. прадукцыі адкрытага акцыянернага таварыства "Гродна Азот" (капралактаму і поліаміду-6) на агульную суму $38 млн.
Пятым падпісаным па выніках пасяджэння камісіі дакументам стаў пратакол аб намерах інтэнсіфікацыі супрацоўніцтва па пытанню вытворчасці сістэмы электрапрывода пераменна-пераменнага току для кар'ерных самазвалаў БелАЗ.
Падводзячы вынікі праведзенага пасяджэння, сустаршыні міжурадавай беларуска-кітайскай камісіі ў цэлым станоўча ацанілі ўзровень і дынаміку развіцця двухбаковых гандлёва-эканамічных і крэдытна-інвестыцыйных адносін за перыяд пасля папярэдняга пасяджэння камісіі. Яны адзначылі істотны імпульс да развіцця двухбаковых адносін у сферы ўзаемнага гандлю і крэдытна-інвестыцыйнага супрацоўніцтва. Намечаны таксама канкрэтныя перспектывы далейшага развіцця ўзаемавыгадных кантактаў.
Бакі дамовіліся правесці 14-е пасяджэнне камісіі ў 2013 годзе ў Пекіне.
Пн | Аўт | Сер | Чцв | Пт | Сб | Нядз |
---|