31 сакавіка, Мінск /Аліна Грышкевіч - БЕЛТА/. Пасол Беларусі ў Францыі Павел Латушка 27-28 сакавіка наведаў французскі рэгіён Брэтань, дзе абмеркаваў перспектывы развіцця беларуска-французскага рэгіянальнага супрацоўніцтва. Аб гэтым карэспандэнту БЕЛТА паведамілі ў пасольстве Беларусі ў Парыжы.
Павел Латушка сустрэўся з кіруючым дырэктарам арганізацыі Bretagne Commerce International Вінсэнам Шамарэ, а таксама з прэзідэнтам ГПП горада Рэн Эмануэлем Танье. На перагаворах з прадстаўнікамі вядучых арганізацый рэгіёна, якія аб'ядноўваюць амаль 30 тыс. прадпрыемстваў і прадпрымальнікаў, адбылося абмеркаванне перспектыўных напрамкаў развіцця гандлёва-эканамічнага і інвестыцыйнага супрацоўніцтва Беларусі з рэгіёнам Брэтань. З французскага боку была выказана зацікаўленасць у прадастаўленні базавай інфармацыі аб магчымасцях развіцця супрацоўніцтва з Беларуссю для французскіх кампаній рэгіёна.
Па выніках сустрэчы дасягнута дамоўленасць аб правядзенні восенню 2014 года прэзентацыі магчымасцей гандлёва-эканамічнага і інвестыцыйнага супрацоўніцтва Беларусі з рэгіёнам Брэтань на базе арганізацыі Bretagne Commerce International. Прэзентацыя будзе арганізавана пасольствам Беларусі ў Францыі.
Павел Латушка таксама наведаў прадпрыемства "МХ", размешчанае ў горадзе Асінье, якое вырабляе сельскагаспадарчае абсталяванне і супрацоўнічае з дылерам ВА "МТЗ" у Францыі. Адбылося абмеркаванне магчымасцей стварэння сумеснай вытворчасці на тэрыторыі Беларусі з прыцягненнем французскіх тэхналогій і інвестыцый.
Пн | Аўт | Сер | Чцв | Пт | Сб | Нядз |
---|