27 снежня, Мінск /Кар. БЕЛТА/. Міністр замежных спраў Беларусі Уладзімір Макей прыняў сёння Надзвычайнага і Паўнамоцнага Пасла Балгарыі ў Беларусі Ангела Ганева, паведамілі БЕЛТА ў прэс-службе беларускага знешнепалітычнага ведамства.
Бакі абмеркавалі актуальны стан і перспектывы развіцця беларуска-балгарскага супрацоўніцтва па ўсім спектры адносін, намецілі першачарговыя крокі па актывізацыі двухбаковага палітычнага дыялогу, узаемадзеяння ў гандлёва-эканамічнай сферы, міжпарламенцкіх кантактаў і рэгіянальнага супрацоўніцтва, пашырэнню дагаворна-прававой базы.
У ходзе сустрэчы Ангел Ганеў уручыў кіраўніку знешнепалітычнага ведамства Беларусі копіі даверчых грамат.
Пн | Аўт | Сер | Чцв | Пт | Сб | Нядз |
---|