Ваджэнне ў Беларусі

На вуліцах Мінска

Усё, што трэба ведаць аўтамабілісту ў Беларусі, уключаючы звесткі аб пракаце аўтамашын, правілы дарожнага руху і пытанні страхавання

Пракат аўтамабіляў у Беларусі

Пракат аўтамабіляў у Беларусі – новая сфера паслуг, якая хутка развіваецца. У буйных гарадах рэспублікі дастатковая колькасць фірм, якія прадаставяць вам аўтамабіль у карыстанне. Яго можна ўзяць напракат як з вадзіцелем, так і без.

Пракат аўтамабіля лепш рэзерваваць загадзя.

Калі ў час візіту ў Беларусь вам патрэбна машына, звярніцеся да персаналу гасцініцы з просьбай зарэзерваваць вам аўтамабіль.

Хоць у Беларусі ўзровень злачыннасці, звязаны з крадзяжамі аўтамабіляў, невялікі, не пакідайце машыну ў аддаленых месцах.

Дасканала вывучыце страхавыя дакументы, удакладніце, якія кампенсацыі прадугледжаны на выпадак крадзяжу аўтамабіля.

Падарожнічаючы ў Беларусь на сваім аўтамабілі

Вы можаце прыехаць у Беларусь на сваім аўтамабілі. Пры гэтым вы абавязаны мець з сабой вадзіцельскія правы міжнароднага ўзору і арыгіналы дакументаў, якія пацвярджаюць, што вы ўладальнік аўтамабіля.

Кантрольна-прапускныя пункты размешчаны на дарогах і перасячэннях граніц Беларусі. Пры перасячэнні граніцы вы павінны:

• унесці даныя аўтамабіля ў мытную дэкларацыю;
• аформіць поліс страхавання грамадзянскай адказнасці.

За рухам на дарогах у Беларусі строга сочыць дарожная міліцыя, якая скарочана называецца ГАИ (рускі варыянт) або ДАI (беларускі варыянт). Інспектары ДАІ маюць уніформу з жоўтымі флуарэсцэнтнымі палосамі. Пры спыненні аўтамабіля інспектар павінен паказаць на яго спецыяльным жазлом (паласатым або чырвоным святловяртальнікам). Калі вас спыніць дзяржаўтаінспектар, вам трэба будзе прад’явіць вадзіцельскія правы і страхоўку.

Вулічны рух у Беларусі не такі інтэнсіўны, як у большасці іншых еўрапейскіх краін.

Дадатковае страхаванне ў Беларусі

На тэрыторыі Рэспублікі Беларусь прызнаюцца міжнародныя страхавыя сертыфікаты "Зялёная картка".

У выпадку адсутнасці міжнароднага страхавога сертыфіката "Зялёная картка", вы павінны набыць аўтамабільную страхоўку ў прадстаўнікоў беларускіх страхавых кампаній. Бюро продажу страхавых полісаў ёсць на кожным прапускным пункце, час яго афармлення звычайна не перавышае 10 хвілін. Кошт вар’іруецца ад €5 да €50 у залежнасці ад часу знаходжання ў Беларусі.

Правілы дарожнага руху ў Беларусі

• У Беларусі правабаковы рух.
• Скорасныя абмежаванні: у населеных пунктах - не больш за 60 км/гадз, калі гэта не прадугледжана іншымі знакамі; па-за населенымі пунктамі – 90 км/гадз; на аўтамагістралях – 110 км/гадз.
• У Беларусі забаронена ўжыванне любой колькасці алкаголю за рулём (у тым ліку і піва).

Большасць дарожных знакаў у Беларусі на кірыліцы (не на англійскай мове).

Вадзіцельскія правы ў Беларусі

Калі Вы маеце намер правесці ў Беларусі працяглы час і пры гэтым самастойна кіраваць аўтамабілем, то Вам неабходна ведаць, што вадзіцельскія правы замежнай дзяржавы або  вадзіцельскія правы міжнароднага ўзору будуць сапраўдныя ў Беларусі толькі на працягу 3 месяцаў з моманту ўезду ў краіну.

Каб кіраваць аўтамабілем пасля заканчэння гэтага тэрміну, неабходна атрымаць беларускае вадзіцельскае пасведчанне. Яно выдаецца Дзяржаўнай аўтамабільнай інспекцыяй (аналаг дарожнай паліцыі) толькі ў тым выпадку, калі Вы прайшлі спецыяльную падрыхтоўку ў  аўташколе на тэрыторыі Беларусі (або іншай краіны СНД) і паспяхова здалі экзамены па правілах дарожнага руху і ваджэнню аўтамабіля. Тэрмін падрыхтоўкі ў аўташколе для кіравання легкавым аўтамабілем складае 3 месяцы.

адправіць

версія для друку

зрабіць стартавай

дабавіць у выбранае