Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

13 Sep 2018

Лукашэнка прапануе Узбекістану разам выходзіць на рынак Афганістана

Лукашэнка прапануе Узбекістану разам выходзіць на рынак Афганістана

13 верасня, Ташкент /Міхаіл Маціеўскі - БЕЛТА/. Беларусь і Узбекістан могуць разам выходзіць на рынак Афганістана. Аб гэтым Прэзідэнт Беларусі Аляксандр Лукашэнка заявіў сёння на перагаворах з Прэзідэнтам Узбекістана Шаўкатам Мірзіёевым у пашыраным складзе, перадае карэспандэнт БЕЛТА.

"Мы вельмі зацікаўлены, каб узбекскія браты дапамаглі нам супрацоўнічаць з Афганістанам. Але мы не хочам ісці туды адны, хочам з вамі туды прыйсці з нашай прадукцыяй. Таму, ствараючы ва Узбекістане прадукцыю, у тым ліку складаную, машынабудаўнічую, давайце разам пойдзем і дапаможам афганцам. Яны гэта ацэняць, ім усё патрэбна", - сказаў Аляксандр Лукашэнка.

Кіраўнік дзяржавы заўважыў, што афганскі рынак не мае патрэбы ў суперкамбайнах або тэхнічна складаных трактарах, ім патрэбна простая тэхніка. "Мы гатовы сёння ва Узбекістане сабраць такую тэхніку, а заўтра патроху яе рэалізаваць - не толькі ва Узбекістане, але і ў Таджыкістане, Афганістане", - дадаў ён.

Пры гэтым, падкрэсліў Прэзідэнт, у стварэнні сумесных прадпрыемстваў і перадачы вопыту з беларускага боку няма ніякай дабрачыннасці. "Узбекская дзяржава гатова за гэтыя тэхналогіі плаціць і падтрымліваць стварэнне сумесных прадпрыемстваў. Што яшчэ трэба? Для нашай растучай вытворчасці патрэбны рынкі, і нам прапануюць: прыходзьце - 33 млн чалавек. Гэта толькі на тэрыторыі, а вакол - каласальны рэгіён", - звярнуў увагу Аляксандр Лукашэнка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі