2 снежня, Мінск /Кар. БЕЛТА/. Праект абноўленай Канстытуцыі Беларусі будзе апублікаваны да Новага года, а рэферэндум па ёй плануецца правесці ў 20-х чыслах лютага, калі не будзе надзвычайнай сітуацыі. Аб гэтым Прэзідэнт Беларусі Аляксандр Лукашэнка заявіў у інтэрв'ю генеральнаму дырэктару міжнароднага інфармацыйнага агенцтва "Расія сёння" Дзмітрыю Кісялёву, перадае карэспандэнт БЕЛТА.
"Цяпер ён (праект) у мяне на стале. Цяпер я сяджу і гляджу. І кожны радок, як гэта было раней. Канстытуцыя - я яе сам пісаў (размова пра цяпер дзеючую Канстытуцыю. - Заўвага БЕЛТА). Юрысты пісалі пяром, а я дыктаваў, таму што я бачыў, я - Прэзідэнт - якія мне патрэбны паўнамоцтвы, каб утрымаць краіну. І цяпер я гляджу, таму што мне яе выносіць на рэферэндум. Цяпер мы яе апублікуем, каля месяца", - сказаў ён.
На ўдакладняючае пытанне, калі будзе апублікаваны дакумент, Лукашэнка адзначыў: "Я думаю, што тыдні два. Да Новага года".