10 снежня, Масква /Эдуард Півавар - БЕЛТА/. Развіццё кааперацыі прадпрыемстваў сельскагаспадарчага машынабудавання Расіі і Беларусі стане галоўнай тэмай прэс-тура журналістаў і экспертаў дзвюх краін у Бранскую вобласць, які пройдзе 11-12 снежня. Аб гэтым БЕЛТА паведамілі ў Пастаянным камітэце Саюзнай дзяржавы, які стаў адным з арганізатараў паездкі.
У экспертна-медыйным прэс-туры прымуць удзел 20 беларускіх і расійскіх журналістаў, якія пазнаёмяцца з супрацоўніцтвам Беларусі і Бранскай вобласці ў эканамічнай і гуманітарнай сферах, з ходам рэалізацыі саюзных праграм.
Удзельнікі мерапрыемства, у прыватнасці, абмяркуюць пытанні кааперацыі ў сельскагаспадарчым машынабудаванні на прыкладзе створанага заводамі "Гомсельмаш" і "Брансксельмаш" сумеснага прадпрыемства. Журналісты наведаюць таксама Інавацыйны навукова-адукацыйны цэнтр біятэхналогіі і экалогіі, створаны на базе Бранскага дзяржаўнага ўніверсітэта. Акрамя таго, адбудзецца круглы стол "Супрацоўніцтва Бранскай вобласці і Рэспублікі Беларусь" з удзелам кіраўнікоў рэгіянальнай адміністрацыі.
Пн | Аўт | Сер | Чцв | Пт | Сб | Нядз |
---|