Падзеі, факты, анонсы
Вопыт Беларусі па захаванні і развіцці сферы распаўсюджвання друку высока ацанілі замежныя спецыялісты
24 снежня, Мінск /Кар. БЕЛТА/. Вопыт Беларусі па захаванні і развіцці сферы распаўсюджвання друку высока ацанілі замежныя спецыялісты на VІІІ Міжнароднай канферэнцыі выдаўцоў, паліграфістаў і распаўсюджвальнікаў друкаванай прадукцыі "Друкаваны рынак ва ўмовах інтэграванай эканомікі", якая прайшла ў Мінску 22-23 снежня, паведамілі БЕЛТА ў Міністэрстве інфармацыі Беларусі.
"Новыя гандлёвыя павільёны "Саюздрук", кніжныя магазіны ААТ "Белкніга" мы шматразова знялі на відэа і фотарад і гатовы дэманстраваць уладным структурам у Расіі ў якасці нагляднага прыкладу адносін улад да важнейшага сегмента рынку - друкаванага", - заўважыў старшыня праўлення расійскай Асацыяцыі распаўсюджвальнікаў друкаванай прадукцыі Аляксандр Оськін.
Міністр інфармацыі Лілія Ананіч расказала, што ў Беларусі дзяржавай заўсёды ўдзялялася належная ўвага пытанням развіцця друку, нацыянальнай літаратуры і прэсы. На нядаўна праведзенай сустрэчы з творчай інтэлігенцыяй з Прэзідэнтам краіны Аляксандрам Лукашэнкам падкрэслівалася значэнне ролі кнігі ў фарміраванні маральных і грамадзянскіх асноў грамадства. Нацыянальная кніга павінна быць гаспадыняй у кнігагандлёвых сетках краіны.
Міністр паведаміла таксама аб новаўвядзеннях у закон аб СМІ, які ўступае ў дзеянне з 1 студзеня 2015 года. Усе распаўсюджвальнікі перыядычнага друку павінны будуць уключыцца ў Дзяржаўны рэестр распаўсюджвальнікаў прадукцыі друкаваных сродкаў масавай інфармацыі. Тым самым, дзяржава актыўна гатова ўдзельнічаць у развіцці цывілізаванага рынку друку. Вельмі важна, каб гэты рынак быў інтэграваны ў рынкі краін ЕўрАзЭС - Расіі і Казахстана.
Арганізатарам VІІІ Міжнароднай канферэнцыі выдаўцоў, паліграфістаў і распаўсюджвальнікаў друкаванай прадукцыі "Друкаваны рынак ва ўмовах інтэграванай эканомікі" выступіў Саюз выдаўцоў і распаўсюджвальнікаў друку пры падтрымцы Міністэрства інфармацыі Рэспублікі Беларусь, Федэральнага агенцтва па друку і масавых камунікацыях Расійскай Федэрацыі, Асацыяцыі распаўсюджвальнікаў друкаванай прадукцыі (Расійскай Федэрацыі), нацыянальнай дзяржаўнай кніжнай палаты Рэспублікі Казахстан, Асацыяцыі выдаўцоў і кнігараспаўсюджвальнікаў (Рэспубліка Казахстан).
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
