Падзеі, факты, анонсы
Вікторыя Азаранка можа згуляць на турніры ў Індыян-Уэлсе
1 лютага, Мінск /Кар. БЕЛТА/. Беларуская тэнісістка, экс-першая ракетка планеты Вікторыя Азаранка атрымала ўайлд-кард на турнір катэгорыі "Прэм'ер" у амерыканскім Індыян-Уэлсе, паведамляе карэспандэнт БЕЛТА.
Атрымаўшы спецыяльную прапанову, Вікторыя Азаранка размясціла ў сацсетках відэазварот, у якім выказала ўдзячнасць арганізатарам спаборніцтваў у Індыян-Уэлсе. Яна адзначыла, што гэта адзін з яе самых любімых турніраў, там цудоўная публіка і выдатная арганізацыя. Вікторыя сказала, што яна вельмі хоча зноў згуляць на ім і разлічвае прыехаць у сакавіку.
Турнір у Індыян-Уэлсе пройдзе з 7 па 18 сакавіка. У 2012-м і 2016-м гадах Вікторыя Азаранка станавілася яго пераможцай. Раней паведамлялася, што яна таксама атрымала запрашэнне на спаборніцтвы ў горадзе Доха, якія адбудуцца ў сярэдзіне лютага.
версія для друку
зрабіць стартавай
дабавіць у выбранае