Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

17 Jan 2018

Удзельнікамі "Віцебскай сняжынкі" стануць танцоры з 25 краін

17 студзеня, Віцебск /Алена Ціханава - БЕЛТА/. XXXIII конкурс па спартыўных танцах "Віцебская сняжынка" адбудзецца ў абласным цэнтры 20-21 студзеня, паведамілі БЕЛТА ў Цэнтры культуры "Віцебск".

Заяўкі на ўдзел у турніры падалі больш як 500 танцавальных пар з 25 краін. Конкурс пройдзе сярод удзельнікаў розных узроставых катэгорый, у кожнай з якіх будуць вызначаны пераможцы. Танцоры прадэманструюць майстэрства ў еўрапейскай і лацінаамерыканскай праграмах. Самыя юныя пары (дзеці да 11 гадоў) таксама прадставяць на суд журы камбінаваныя праграмы (стандарт+лаціна).

На працягу танцавальнага марафону ў канцэртнай зале "Віцебск" вызначацца лепшыя з лепшых.

"Віцебская сняжынка" - прэстыжнае міжнароднае спаборніцтва, адзін з конкурсаў WDSF (World DanceSport Federation). Рэзультаты пар з катэгорый "Моладзь" і "Дарослыя" пойдуць у залік сусветнага рэйтынга танцораў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі